Presidenti amerikan Donald Trump është shfaqur në rrjetet sociale i veshur si Papë, vetëm disa ditë përpara Konklavës që do të zgjedhë pasardhësin e Papa Françeskut.
Fotomontazhi u shpërnda nga llogaritë zyrtare të Shtëpisë së Bardhë dhe pasqyron retorikën e Trump, i cili kishte deklaruar më herët se nëse do t’i duhej të zgjidhte Papën, “do të zgjidhte veten e tij”.
Publikimi ngjalli reagime të shumta: disa përdorues e cilësuan Trump-in si qesharak, ndërsa të tjerë e akuzuan për mungesë respekti, duke thënë se po tallej me vdekjen e Papa Françeskut.
Vetëm pak ditë më parë, gjatë një fjalimi që shënoi 100 ditët e para të presidencës së tij, Trump kishte shprehur dëshirën për të qenë Papë.
