Fiorentina ka fituar 3-0 ndaj Juventus-it në “Artemio Franchi”, sfidë e vlefshme për javën e 29-të në Serie A. Ekipi vjollcë i drejtuar nga Raffaele Palladino, shënoi dy gola të shpejtë në më pak se 3 minuta.
Fillimisht ishte Robin Gosens që shënoi në minutën e 14-të pas topit të ardhur nga goditja e këndit. Mesfushori gjerman provoi herën e parë me kokë, por topi u ndal nga mbrojtësit kundërshtar, herën e dyti Gosens “shkundi” rrjetën me një goditje të bukur.
Në minutën e 17-të, ishte Mandragora që shënoi golin e dytë, pas asistit të marrë nga Nicolo Fagioli, i cili është huazuar te Fiorentina pikërisht nga Juventus.
Në fillim të pjesës së dytë, Fiorentina shënoi golin e tretë me Albert Gudmundsson, islandezi realizoi një gol fantastik me një goditje shumë të bukur nga distanca. Shifrat përfundimtare, Fiorentina-Juventus 3-0. Pas kësaj fitoreje, Fiorentina ngjitet në vendin e tetë me 48 pikë, ndërsa Juventus mbetet në vendin e pestë me 52 pikë.
