Barcelona ka zyrtarizuar rinovimin e kontratës me Fermín López, një nga lojtarët që po kthehet gjithnjë e më shumë në pjesë të rëndësishme të skuadrës.
Klubi katalanas njoftoi se ka arritur marrëveshje me mesfushorin spanjoll për zgjatjen dhe përmirësimin e kontratës, e cila tani do të jetë e vlefshme deri më 30 qershor 2031.
Në komunikatën e Barcelonës thuhet:
“Është arritur një marrëveshje mes FC Barcelona dhe lojtarit të ekipit të parë, Fermín López, për të zgjatur dhe përmirësuar kontratën e tij edhe për dy sezone të tjera, deri më 30 qershor 2031.”
Sa i përket paraqitjeve këtë sezon, Fermín López ka luajtur 26 ndeshje në të gjitha garat, ku ka realizuar 10 gola dhe ka dhënë 11 asistime.
