Federata Turke e Futbollit ka zyrtarizuar largimin e Vincenzo Montellës nga posti i trajnerit të kombëtares, duke i dhënë fund aventurës trevjeçare të italianit.
Vendimi erdhi pas një serie shumë negative në Nations League, ku Turqia regjistroi katër humbje në katër ndeshje: 1-0 ndaj Francës, 4-1 ndaj Italisë, 3-0 ndaj Belgjikës dhe 3-1 sërish ndaj Italisë.
Montella mori drejtimin e Turqisë në shtator të vitit 2023 dhe gjatë mandatit të tij arriti edhe rezultate të rëndësishme, mes tyre çerekfinalet e Euro 2024 dhe kualifikimin e kombëtares në Botërorin 2026.
Megjithatë, aventura në Kupën e Botës përfundoi që në fazën e grupeve, pas humbjeve ndaj Australisë dhe Paraguait, pavarësisht fitores 3-2 ndaj Shteteve të Bashkuara në ndeshjen e fundit.
Në total, Montella drejtoi Turqinë në 40 ndeshje, duke regjistruar 21 fitore, pesë barazime dhe 14 humbje.
Kontrata e tij ishte e vlefshme deri në Euro 2028, ndërsa raportimet bëjnë të ditur se Federata pritet t’i paguajë rreth 915 mijë euro kompensim.
Tashmë vëmendja kalon te pasuesi i tij. Arda Turan raportohet si kandidati kryesor për të marrë drejtimin e kombëtares, por deri tani Federata Turke nuk ka konfirmuar asnjë emër.
