SPAK dha pasditen e sotme një njoftim zyrtar në lidhje me arrestimin e Ermal Beqirajt në Francë.
Sipas deklaratës, autoritetet i kanë zbuluar Beqirajt pasuri marramendëse mes tyre kështjellë me vlerë rreth 2.6 milionë euro, dy apartamente, llogari bankare me mbi 2 milionë euro dhe mjete motorike. Të gjitha këto janë vetëm disa nga pasuritë e identifikuara në Francë që sipas SPAK i përkasin biznesmenit Ermal Beqiri.
Por jeta jo gjithmonë është e drejtë. Teksa Beqiraj nuk di ku të fusë paratë, Mirlinda Karçanaj, ish-drejtoresha e AKShI-t jeton me qira.
Me lot në sy, vetë Karçanaj deklaroi disa muaj më parë në një intervistë për Grida Dumën, se jetonte me qira. Kjo natyrisht që është e vërtetë, por nuk do të thotë se Karçanajt i ka ecur jeta kaq ters sa të mos mund të siguronte dhe ajo disa prona.
SPAK ka deklaruar më herët se vetëm Mirlinda Karçanajt i janë sekuestruar tre apartamente, dy në Tiranë dhe një në Qerret, si dhe 1500 m² tokë në Sauk, llogari bankare dhe një automjet.
Pas vendosjes së masës së sigurisë “arrest në shtëpi” ndaj saj, kryeministri Edi Rama deklaroi se ajo jetonte me qira.
“Linda Karçanaj, e cila sot është në masë sigurie në një shtëpi me qira, ku jeton pasi ka jetuar deri pak vite më parë në shtëpinë e prindërve, në një apartament që ishte i kohës së komunizmit,” pretendoi Rama në fund të vitit të kaluar./Ilirianews.al
