Milan ka nisur zyrtarisht epokën e re me Rúben Amorim. Trajneri portugez ka firmosur kontratën me klubin kuqezi, që do ta mbajë në “San Siro” deri në vitin 2028, me opsion rinovimi edhe për një sezon tjetër.
Sipas raportimeve, marrëveshja është firmosur nga Amorim përmes emailit, ndërsa klubi pret tashmë kundërfirmën për të kompletuar gjithçka. Kontrata parashikon një pagë prej 3.5 milionë eurosh në sezon, plus bonuse.
Amorim, 41 vjeç, vjen te Milan pas eksperiencës te Manchester United, ku nuk arriti të përsëriste sukseset e mëdha që kishte arritur më parë me Sportingun.
Te klubi portugez, ai shkroi histori duke rikthyer titullin kampion pas 19 vitesh në vitin 2021, ndërsa më pas e përsëriti suksesin edhe sezonin pasues.
Tani, trajneri portugez kërkon të ringrejë karrierën në Serie A dhe të hapë një cikël të ri fitues me Milanin.
