Ekonomia e SHBA-së pësoi një rritje të dukshme gjatë tremujorit të tretë deri në shtator, me shpenzimet e konsumatorëve dhe eksportet që u rritën. Ekonomia më e madhe në botë u zgjerua me një ritëm vjetor prej 4.3%, një rritje nga 3.8% në tremujorin e kaluar dhe më e fortë se sa pritej, duke shënuar rritjen më të madhe në dy vitet e fundit. Raporti, i cili u vonua për shkak të mbylljes së qeverisë amerikane, thekson një ekonomi që është ndikuar nga ndryshime të mëdha në politikat tregtare dhe imigracion, si dhe inflacion të vazhdueshëm dhe kufizime në shpenzimet qeveritare.
Pavarësisht ndryshimeve dramatike, ekonimia ka ruajtur një dinamikë të fortë, duke tejkaluar shumë parashikime. Aditya Bhave, ekonomist i lartë në Bank of America, e përshkroi ekonominë si “shumë të qëndrueshme”. Rritja e përgjithshme ishte më e fortë se sa parashikoheshin nga analistët, të cilët prisnin një ritëm prej rreth 3.2%. Shpenzimet e konsumatorëve u rritën me 3.5%, pavarësisht një tregu të punës në ngadalësim dhe shpenzimeve në shërbimet e kujdesit shëndetësor.
Importet, të cilat ndikojnë negativisht në rritje, vazhduan të binin për shkak të taksave mbi dërgesat, ndërsa eksportet, pas një rënieje të madhe, u rikthyen me një rritje prej 7.4%. Shpenzimet e qeverisë gjithashtu u rritën, kryesisht për shkak të shpenzimeve për mbrojtjen. Megjithatë, ndonëse kishte një ngadalësim në investimet e biznesit dhe probleme në tregun e strehimit, ekonomia mbetet në një pozicion të mirë siç pritet tek 2026.
Megjithatë, disa analistë paralajmërojnë se rritja e çmimeve mund të vështirësojë ruajtjen e këtij ritmi të forcës. Indeksi i çmimeve për shpenzimet e konsumit, i preferuar nga Fed, u rrit në 2.8%, duke reflektuar ngarkesën mbi familjet me të ardhura të ulëta dhe mesatare. Oliver Allen nga Pantheon Macroeconomics tha se tregues të rinj sugjerojnë se familjet po e kufizojnë shpenzimin e tyre.
