Një ngjarje e rëndë është regjistruar mëngjesin e së hënës më 10 mars. Raportohet se një shqiptar është goditur për vdekje nga një tren. Mediat italiane bëjnë me dije se shqiptari është 37-vjeçar por nuk e ka zbuluar identitetin e viktimës.
Aksidenti ndodhi pak minuta para orës 10 të mëngjesit në linjën hekurudhore midis via Imbonati dhe via Valeggio. Në vendngjarje kanë ndërhyrë ndihma e shpejtë por nuk mundën të bënin asgjë për shqiptarin i cili u shpall i vdekur në vendin e ngjarjes.
Zjarrfikësit kanë pritur që RFI të ndërpresë shërbimin e energjisë elektrike për të ndërhyrë me masat e sigurisë. Të pranishëm ishin edhe oficerët e Polfer dhe stafi i RFI. Sipas policisë, burri po ecte përgjatë argjinaturës hekurudhore dhe iu afrua shumë një treni në lëvizje.
