Platforma e mediave sociale X u bllokua për rreth 12,000 përdorues të hënën, ndërsa pronari i saj, Elon Musk, njoftoi se ndërprerja ishte shkaktuar nga një sulm kibernetik. Ai tha se platforma po përballet me një sulm masiv që ka mbështetje të madhe, mundësisht nga një grup i koordinuar ose një shtet.
Një burim anonim nga industria e infrastrukturës së internetit konfirmoi për mediat ndërkombëtare se X ka pësuar ndërprerje shërbimi që nga mëngjesi i ditës së sotme. Bllokimi ndodhi për shkak të një sulmi DDoS, ku shumë faqe interneti vënë në shënjestër platformën dhe rrisin trafikun artificialisht, duke shkaktuar ndërprerje.
Ky lloj sulmi nuk është gjithmonë i sofistikuar, por mund të shkaktojë efekte të mëdha.
Sipas të dhënave të ‘Downdetector’, X ka pasur ndërprerje, duke prekur 11,745 përdorues në SHBA. Numri i ndërprerjeve u rrit më pas në 26,579 dhe në një moment arriti deri në 40,000.
