Jose Mourinho nuk po kalon vitet më të suksesshme në karrierë. Ai është në perëndim të saj, por duket se më shumë është zgjedhje personale sesa mungesë mundësish.
Portugezi raportohet se ka marrë një ofertë bindëse nga Federata Braziliane e Futbollit. Në Brazil duan të fitojnë një trofe të munguar prej vitesh dhe “The Special One” ka treguar se di të marrë maksimumin nga skuadrat që menaxhon.
Mourinho, megjithatë, ka refuzuar. Ai nuk ka pranuar të marrë drejtimin e “Selecaos”, duke argumentuar se nuk është momenti. Plani i tij është të vijojë me klube, sepse do të punojë intensivisht me lojtarët.
