Sot është në mes të të 70-ave, por mori vesh një lajm që do e trondiste. Kjo është historia e një gruaje, e cila u habit kur pa për herë të parë rezultatet e një testi ADN-je.
Siç shkruan BBC, Susan nuk dinte shumë për gjyshin e saj dhe pagoi për një test privat për të parë ndonjë gjë të pazakontë. Madje i doli se kishte shumë “dell” irlandezeje, për të cilën mendonte se ishte gabim.
Por ja që gabim në këtë rast e kishte ajo.
Iu deshën gjashtë vjet që Susan, të kuptonte se gjithçka dinte për historinë e familjes ishte gabim. Ajo zbuloi se në vitet 1950 ishte ndërruar në maternitet me një foshnje tjetër. BBC thotë se ky rast është i dyti i këtij lloji që është zbuluar nga prestigjiozja britanike.
Avokatët presin që edhe raste të tjera të zbulohen si pasojë e testeve gjenetike të lira apo nga website-t që tregojnë prejardhjen.
Susan tregoi se rastësisht pasi kishte të futur të dhënat e saj, mori një mesazh nga hiçi nga një i huaj që donte të thoshte vetëm një gjë: Ata të dy duhej të ishin motër e vëlla gjenetikisht.
Reagimi i saj i parë ishte që mund të ishte adoptuar në mënyrë të fshehtë. Të dy prindërit i kishin vdekur disa vite më parë, kështu që pyeti të vëllanë. Ai mendonte se gjithçka që po ndodhte tani ishte mashtrim.
Megjthatë Susan qëndroi dyshuese për shkak se ishte më e gjatë se i vëllai dhe kishte flokët bjonde, duke mos ngjarë me pjesën tjetër të familjes. Megjithatë vajza e saj e madhe bëri disa kërkime duke shkuar në hipotezën se mund të jetë ngatërruar në maternitet.
Asokohe trajtimi në maternitete ka qenë ndryshe. Foshnjet ndaheshin dhe vendoseshin në dhoma të mëdha ku kujdeseshin nga infermieret.
Ndërsa Susan thotë se i ka takuar familjarët biologjikë, por për shkak të viteve që kanë kaluar, lidhja emocionale nuk është e fortë. BBC shkruan se ajo është ndër të parët persona që kanë marrë dëmshpërblim për një rast të tillë.
