Prioriteti i Carlo Ancelottit mbetet Real Madridi. Pavarësisht thashethemeve të vazhdueshme, nga Spanja kane raportuar sot se trajneri ka refuzuar ofertën e Brazilit (të paktën tani për tani): trajneri dëshiron të vazhdojë të respektojë kontratën e tij me Los Blancos, kështu që nuk do të ketë më shqetësime në ditët në vijim. Brazili kishte dërguar një emisar për të sqaruar situatën gjatë ndeshjes kundër Arsenalit, por nuk pati asnjë takim me agjentët e Ancelottit.
“Kam kontratë me Real Madridin dhe jam i lumtur. Derisa të thonë ndryshe, nuk do të dëgjoj asnjë propozim”, ka dashur të ritheksojë trajneri, i kritikuar ashpër pas eliminimit nga Champions League.
Pavarësisht gjithçkaje, në momentin që Ancelotti dëshiron të mbetet i fokusuar në fushë, gjithçka do të varet edhe nga alternativat e mundshme në dispozicion të klubit.
Xabi Alonso nuk ka dhënë asnjë detaj, agjenti i Jurgen Klopp, Marc Kosicke ka konfirmuar se trajneri gjerman nuk ka ndërmend të largohet nga posti drejtues në Red Bull: “Jürgen është shumë i lumtur me rolin e tij të ri si Shefi i Global Soccer në Red Bull”, garantojnë shoqëruesit e tij.
