Rreth 150 punonjës dhe naftëtarë të kompanisë Bankers Petroleum kanë vazhduar ndërprerjen e punës dhe këtë të enjte, në shenjë proteste ndaj kushteve aktuale të punës.
Ky veprim vjen pas një proteste të zhvilluar një ditë më parë, ku 10 anëtarë të Sindikatës së Hidrokarbureve vendosën të hynin në grevë urie.
Naftëtarët kërkojnë rritje pagash dhe përmirësim të kushteve të punës, duke deklaruar se prej një dekade, Bankers Petroleum nuk ka ndërmarrë asnjë hap për të përmirësuar situatën e tyre.
Si pasojë e këtij bojkoti, rreth 400 puse nafte janë lënë pa mbikëqyrje, duke ngritur shqetësime për sigurinë dhe funksionimin normal të aktivitetit të kompanisë.
