Gjyqi për përcaktimin e përgjegjësisë për vdekjen e Maradonës në vitin 2020, në të cilin janë 7 të pandehur (mjekë, infermierë dhe psikologë), fillon këtë të martë në Argjentinë.
Një nga djemtë e “El Pibe” ka duart plot kur vjen puna për të gjetur mjekët fajtorë. “Ata i dhanë disa ilaçe dhe e dinin se ai do të vdiste,” thotë Diego Maradona Jr. për programin televiziv “Y Ahora Sonsoles”.
Dhe ai vazhdoi: “Nëse mjekët do t’i kishin bërë gjërat në mënyrën e duhur, unë nuk do të isha këtu në këtë karrige: do të ishte ai, sepse do të ishte gjallë. Babain tim e vranë. Besoj se shumë gjëra të çuditshme kanë ndodhur që kur ai u largua. Ne e kuptuam, për shembull, se shumë para i ishin vjedhur dhe ndonjëherë nuk gjenim asgjë në shtëpi.”
Diego Armando Maradona vdiq në moshën 60-vjeçare, më 25 nëntor 2020, viktimë e një arresti kardiorespirator në shtëpi teksa flinte. Duke besuar se ishte një gabim mjekësor, familja e ish-yllit argjentinas denoncoi ekipin që monitoronte shëndetin e Maradonës për neglizhencë.
Një hetim i nisur në vitin 2021 arriti në përfundimin se ekipi mjekësor kishte vepruar në një mënyrë “të pahijshme, joproporcionale dhe të pamatur”.
Në datën 11 fillon gjyqi për vdekjen e Diego Armando Maradonës, ku në bankën e të akuzuarve do të jenë 8 profesionistë të shëndetësisë, mes të cilëve edhe neurokirurgu Leopoldo Luque.
