Real Madrid tashmë ka filluar të ndërtojë skuadrën për sezonin 2025-2026, dhe ndërsa shumë emra po qarkullojnë, një në veçanti po përmendet shumë ditët e fundit: Alexis Mac Allister. Mesfushori argjentinas i Liverpool-it është bërë pjesë e diskutimeve të brendshme në klub si një nënshkrim i mundshëm për të përforcuar mesfushën për sezonin e ri.
Mac Allister pëlqhet shumë nga Perez dhe ky interes i presidentit të “Los Blancos” ndaj argjentinasit nuk është krejt i rastësishëm, por merr shtysë nga një deklaratë e fundit e babait të lojtarit për mediat vendase në Argjentinë.
Babai i Mac Allister dha një intervistë në Argjentinë ku foli për të tashmen dhe të ardhmen e të birit. Edhe pse këmbënguli se Alexis është i lumtur në Liverpool, ai la të hapur mundësinë për një lëvizje të mundshme në të ardhmen, ku deklaroi se atij personalisht i pëlqen shumë La Liga, duke nxitur kështu thashethemet.
