Luis de la Fuente ka folur pas fitores dramatike të Spanjës ndaj Portugalisë, një sukses minimal 1-0 që i dha “La Rojas” kualifikimin në çerekfinalet e Kupës së Botës.
Trajneri spanjoll e cilësoi ndeshjen si një përballje të madhe, ku skuadra e tij vuajti deri në fund, por tregoi karakter dhe cilësi në momentet vendimtare. Goli i Mikel Merinos, pas asistit të Ferran Torres në minutat e fundit, vendosi fatin e sfidës.
“Ishte një ndeshje fantastike, një finale para finales. Siç pritej, vuajtëm deri në fund, por zhvilluam një ndeshje shumë të plotë. Lojtarët më të rëndësishëm ishin ata që hynë nga stoli”, u shpreh De la Fuente.
Trajneri foli edhe për aktivizimin e Merinos, duke treguar se i kishte kërkuar të luante si zakonisht, të ndihmonte në mesfushë dhe të shtynte përpara në sulm. Sipas tij, kontributi i lojtarëve të futur gjatë ndeshjes ishte vendimtar.
Sa i përket kundërshtarit të radhës në çerekfinale, De la Fuente u shpreh i qetë, duke theksuar se Spanja është gati të përballet me këdo.
“Në këtë fazë nuk ka rëndësi kë kemi përballë. Jemi të lumtur që jemi në çerekfinale dhe do të japim gjithçka deri në fund. Kemi shumë besim te vetja dhe kundërshtarët duhet të na mundin në fushë”, deklaroi ai.
Spanja vazhdon kështu rrugëtimin në Botëror me moral të lartë, pas një fitoreje të madhe ndaj Portugalisë.
