Pesë persona janë mbytur pasi dallgët e mëdha goditën disa pjesë të Australisë në fillim të fundjavës së Pashkëve. Dy të tjerë janë zhdukur në brigjet e shteteve të Uellsit të Ri Jugor dhe Viktorias.
Të shtunën trupi i një burri u gjet në ujë pranë Tathra në Uellsin e Ri Jugor. Kjo erdhi një ditë pasi një peshkatar 58-vjeçar dhe dy burra të tjerë u gjetën të vdekur në incidente të veçanta në shtet.
Ekipet e shpëtimit po kërkojnë për një burrë që u la në ujë pranë Sidneit. Gjithashtu të premten, një grua u mbyt dhe një burrë është zhdukur pasi grupi i tyre u përfshi në det në San Remo në Victoria. “Një nga gratë arriti të kthehej në breg, por gruaja tjetër dhe burri nuk mundën,” tha policia e Victoria.
Kryeministrja e Victoria, Jacinta Allan tha se shënoi një “fillim të tmerrshëm” të fundjavës së Pashkëve. “Mendimet e mia janë me familjen e dikujt që ka humbur jetën në rrethana kaq tragjike dhe potencialisht do të vijnë lajme më të vështira”, tha ajo.
Shtetet lindore të Australisë janë goditur nga dallgë të rrezikshme. Kreu i shoqatës bamirëse Surf Life Saving Australia , Adam Weir, këshilloi pushuesit të vizitojnë plazhet e patrulluara pasi të dhënat e tyre treguan se 630 njerëz ishin mbytur në plazhet e papatrulluara në 10 vitet e fundit.
“Por këto vende bregdetare mund të paraqesin rreziqe, disa që mund t’i shihni dhe disa që nuk mund t’i shihni, prandaj ne kemi disa këshilla të thjeshta: Ndaloni, shikoni, qëndroni gjallë.”
