Skandali në Arabinë Saudite ende nuk ka përfunduar, ndërsa Cristiano Ronaldo mund të ndërmarrë një hap drastik: të largohet fare nga kampionati.
Sipas raportimeve, ylli portugez u ka bërë të ditur drejtuesve të Fondit të Investimeve Publike (PIF) se është i gatshëm të largohet. Shkak thuhet se është një përplasje për çështje financimi dhe mënyrën si po menaxhohen investimet.
Gjithçka nisi kur sulmuesi i Al-Nassr u përplas publikisht me autoritetet, madje hyri në “grevë” dhe mungoi në ndeshjen e fundit të ekipit ndaj Al-Riyadh.
Ronaldo raportohet se është shumë i pakënaqur me politikën e transferimeve të PIF, duke besuar se fondi po forcon në mënyrë të pabarabartë rivalët, veçanërisht Al-Hilal, ndërsa interesat e klubit të tij po lihen në plan të dytë.
