Cristiano Ronaldo ka dhënë sinjalin më të fortë deri tani se fundi i karrierës së tij mund të jetë shumë pranë.
Në një intervistë për “Vogue”, ylli portugez ka pranuar se sezoni aktual mund të jetë i fundit si futbollist profesionist.
“Ky ndoshta do të jetë viti im i fundit në futboll dhe dua të lë pas një trashëgimi spektakolare”, deklaroi Ronaldo.
41-vjeçari, i cili ka kontratë me Al-Nassr deri në verën e vitit 2027, tregoi gjithashtu se e ka planifikuar jetën pas futbollit dhe se synon të udhëtojë më shumë, të kalojë kohë me familjen dhe të merret me aktivitete të tjera që i pëlqejnë.
Një nga objektivat e fundit të mëdha të portugezit mbetet arritja e shifrës historike të 1,000 golave në karrierë. Aktualisht ai numëron 976 gola.
