Cristian Chivu ka marrë një lajm të rëndësishëm përpara ndeshjes së Interit ndaj Udineses. Federico Dimarco është rikthyer në stërvitje dhe do të jetë në dispozicion të trajnerit zikaltër.
“Dimarco u stërvit sot dhe është i gatshëm për grupin. Spence, ndërkohë, po rikthehet gradualisht dhe ka ende nevojë për pak kohë përpara se të jetë në dispozicion”, deklaroi Chivu në konferencën për shtyp.
Trajneri foli edhe për humbjen ndaj Real Madridit në Champions League, duke theksuar se skuadra nuk ka humbur besimin. “Pashë një ekip të zhgënjyer sepse humbëm një mundësi në Madrid, por më pëlqeu guximi, personaliteti dhe reagimi pas gabimeve. Duhet të përmirësohemi, por marr me vete gjërat pozitive.”
Chivu vlerësoi gjithashtu rritjen e Diouf, duke kërkuar që mesfushori të arrijë të ruajë një nivel të lartë loje për më shumë minuta. “Jemi të kënaqur me zhvillimin e tij dhe me mënyrën si është vënë në dispozicion të skuadrës.”
Interi vjen në kampionat pas tri fitoreve në tri ndeshjet e para, ndërsa të hënën në “San Siro” do të kërkojë të vazhdojë serinë pozitive ndaj Udineses.
