Më shumë se 10 milion njerëz janë të papunë në pesë ekonomitë më të mëdha të Evropës deri në fund të vitit 2025. Sipas platformës globale të punësimit, Indeed, perspektivat e punës për vitin 2026 duken mjaft pesimiste, sidomos në Britaninë e Madhe, ndonëse qeveria britanike po përpiqet të rrisë punësimin dhe rritjen ekonomike. Kjo përpjekje është e vështirë për shkak të produktivitetit të ulët, pasojave të Brexitit dhe investimeve të dobëta në biznese.
Për sa i përket statistikave, Britania e Madhe ndodhet në pozitë negative në krahasim me vendet e tjera evropiane. Nga 28 nëntori 2025, reklamat për vende pune në UK janë 20% më të ulëta se nivelet para pandemisë, me një indeks prej 80.2, që është 8 pikë më i ulët se një vit më parë. Jack Kennedy, economist në Indeed, thekson se rritja e kostove të punës dhe pasiguria politike kanë ndikuar negativisht në besimin e punëdhënësve.
Ndërkohë, në Gjermani dhe Francë, tregu i punës është më pozitiv, me reklama për vende pune që janë rritur rreth 15% mbi nivelet para-pandemisë. Megjithatë, krahasuar me vitin e kaluar, indeksi ka rënë në të dyja këto vende, me Gjermaninë duke rënë 13 pikë dhe Francën me 20 pikë. Pasiguria politike në Francë ka ndikuar në aktivitetet ekonomike, duke sjellë një rënie të besimit në konsum dhe investime.
Nga ana tjetër, Spanja (153.5) dhe Italia (168.1) po performsjnë shumë më mirë, me poste pune që janë 54% dhe 68% më të larta se nivelet para-pandemisë. Këto dy vende po tregojnë një rritje edhe krahasuar me vitin 2024, me Spanjën që ka rritur indeksin me 13 pikë dhe Italinë me 1 pikë. Megjithatë, tregjet e punës në Spanjë dhe Itali janë më të lira në krahasim me ato në Francë dhe Gjermani, me Spanjën që ka një normë të papunësisë prej 10.5% në tetor 2025.
OECD parashikon që rritja e prodhimit të brendshëm bruto në Francë do të jetë vetëm 0.8% në 2025, me përmirësim të parashikuar për vitet në vijim. Në përgjithësi, Spanja pritet të ketë rritjen më të fortë ekonomike ndër pesë ekonomitë më të mëdha evropiane.
