Një grabitje që të kujton skenat e serialit Casa de Papel është regjistruar në Preshevë. Rreth orës 01:30 të 13 korrikut, katër persona, të cilët dyshohet se lëviznin me një automjet tip Audi, realizuan një grabitje të organizuar, ndërsa në pamjet që qarkullojnë në rrjet shihet edhe momenti kur bankomati shkëputet me forcë.
Sipas raportimeve, autorët hynë në një këmbimore valutash dhe morën një shumë të konsiderueshme parash në euro. Gjatë grabitjes u aktivizua alarmi dhe në vendngjarje mbërriti kompania e sigurisë, por grabitësit arritën të largoheshin para ndërhyrjes.
Burime jozyrtare bëjnë me dije se autorët tentuan të hapnin edhe një kasafortë tjetër metalike, por nuk ia dolën. Policia ka nisur hetimet dhe po punon për identifikimin e autorëve, ndërsa deri më tani nuk ka njoftim për persona të arrestuar.
