Kupa e Botës 2026 ka hyrë në fazën më të nxehtë, me çerekfinalet që kanë nisur të marrin formë pas ndeshjeve të para të fazës me eliminim direkt.
Maroku ishte skuadra e parë që siguroi vendin mes tetë më të mirave, pasi eliminoi Kanadanë në ndeshjen hapëse të raundit të 1/16-ave. Pak më vonë, marokenët mësuan edhe kundërshtarin e radhës: Francën, e cila kaloi me vështirësi Paraguain.
Një nga surprizat më të mëdha erdhi nga Norvegjia, që mposhti Brazilin 2-1 dhe eliminoi një nga favoritët e turneut. Me Haaland dhe Nyland si protagonistë, skuadra nordike siguroi kualifikimin dhe në çerekfinale do të përballet me Anglinë, e cila kaloi Meksikën pas fitores 3-2.
Spanja gjithashtu siguroi vendin në çerekfinale pas fitores minimale 1-0 ndaj Portugalisë. Një sukses që pati peshë të madhe, pasi solli edhe eliminimin e Cristiano Ronaldos në atë që ishte Botërori i tij i fundit. Spanjollët tani presin fituesin e çiftit SHBA-Belgjikë.
Faza e 1/16-ave do të mbyllet me dy përballje të tjera të rëndësishme: Argjentina ndaj Egjiptit dhe Zvicra ndaj Kolumbisë. Pas këtyre sfidave do të kompletohet edhe tabloja e plotë e çerekfinaleve.
Deri tani, nga turneu janë eliminuar emra të mëdhenj si Gjermania, Kanadaja, Paraguai, Brazili, Meksika dhe Portugalia. Në garë kanë mbetur 11 skuadra, me Europën që dominon me gjashtë përfaqësuese, ndërsa Afrika dhe Amerika e Jugut kanë nga dy skuadra ende në lojë.
Çerekfinalet do të luhen nga data 9 deri më 12 korrik, ndërsa gjysmëfinalet janë programuar për datat 14 dhe 15 korrik. Finalja e madhe e Kupës së Botës do të zhvillohet më 19 korrik në MetLife Stadium, në New York/New Jersey.
