Në Kolegjin Zgjedhor u shqyrtua sot kërkesa e demokrates Andia Ullirit për mandatin e deputetit.
Ulliri kërkoi rrëzimin e vendimit të KQZ-së që i dha mandatin Arjan Ndojas. Andia Ulliri u përfaqësua nga avokati Indrit Sefa, ndërsa Arjan Ndoja nuk u paraqit, por u përfaqësua nga avokati Rexhë Margjeka.
Avokati i ish-prokurorit që në fillim të seancës kërkoi që të mos legjitimohej i palë ankimuese Andia Ullirin.
Trupi gjykues u tërhoq për vendim. Pasi dëgjoi palët dhe u njoh me kërkesën e avokatit Ndoka vendosi pushimin e çështjes së Andia Ulliriti se nuk legjitimohet si palë paditëse. Kjo do të thotë se Andia Ulliri nuk legjitimohet si palë për t’iu drejtuar gjykatës.
Kandidatja demokrate, e cila kërkon t’i marrë mandatin ish prokurorit Arian Ndoja për shkak të kuotës gjinore, ka ankimuar në Komisionin e Ankimimeve dhe Sanksioneve si dhe vendimin e kryekomisionerit Celibashi që rrëzuan njeri pas tjetrës kërkesën e saj me argumentin se lista e hapur dhe ajo e mbyllur funksionojnë të ndara.
Ulliri kandidoi në listat e Partisë Demokratike-Aleanca për Shqipërinë Madhështore në qarkun e Durrësit.
