Sali Berisha deklaron se masat e marra për përballimin e zjarreve që kanë përfshirë vendin, nuk janë të mjaftueshme. Ai akuzon qeverinë për neglizhencë.
“Përballë këtyre zjarreve, narkoqeveria vazhdonte vakancat. Edi Rama dhe ministrat e tij rreziteshin në diell, duke luajtur kumar dhe në indiferencë të plotë të kësaj që ndodh. Prej mbi 2 javësh, me dhjetëra e qindra punonjës heroikë të zjarrfikësve dhe të tjerë janë përballur me guxim me zjarret në katër anët e vendit. Asnjë qindarkë shtesë gjer sot nuk kanë marrë, pamjet e ushqimit të tyre janë mjerim“, tha Berisha.
Ndërsa zjarret, thotë se po vendosen qëllimisht për t’i hapur rrugë ndërtimeve.
“Zjarret po i shkakton betoni dhe padyshim që ato kanë vetëm një synim të hapin troje për beton“, akuzoi ai.
