Kryetari i Partisë Demokratike, Sali Berisha, ka vlerësuar mbështetësit e tij për qëndresën e pashembullt të tyre gjatë këtyre viteve të vështira për demokratët, pas sulmeve të paprecedenta që sipas tij, vinin edhe nga ish-ambasadorja e ShBA në Tiranë, Juri Kim.
‘Ju i mbrojtët të vërtetat e mëdha edhe në kohën kur nga vendi i madh i lirisë frynin erërat e ekstremit të majtë’, theksoi.
Lideri i opozitës, Sali Berisha, ka denoncuar buxhetin e shtetit të projektuar nga Edi Rama, ku sipas tij i jep vetëm 16 milionë euro rreth 800 mijë pensionistë.
‘Buxheti antiqytetar jep vetëm 16 mln euro për rreth 800 mijë pensionistë, kurse Rama zhgërryhet në luks dhe vjedhje’, u shpreh Berisha.
Kryedemokrati Sali Berisha ka denoncuar sërish Edi Ramën për vizitën e tij në Nju Jork, ku sipas tij fjeti me 25-30 vetë në hotelin më të shtrenjtë të planetit dhe nuk deklaroi asnjë pagesë, por që për drejtuesin e SPAK, Altin Dumanin, këto shkelje të ligjit nuk përbëjnë vepër penale.
‘Fjeti me 25-30 vetë në hotelin ‘The Gregorian’ mu në zemër të zonës më të kushtueshme të planetit’, theksoi kreu i PD.
Gjatë fjalës së mbajtur në tubimin qytetar, lideri i demokratëve Sali Berisha i është përgjigjur edhe deklaratës së KLP-së në lidhje me denoncimet për drejtuesin e SPAK, Altin Dumani.
Berisha duke iu drejtuar kryetares së KLP-së Mirela Bogdani tha “se është një skllave e Vath Stakës dhe Altin Dumanit.”
‘Favoriti i zonjës Bogdani, Vath Staka është një kriminel me çizme, i cili me urdhër të Taulant Ballës ka liruar 2 terroristë’, tha gjatë fjalës në tubimin qytetar, kryetari i PD-së, Sali Berisha.
