Bashkimi Evropian do t’i qëndrojë besnike parimeve të saj dhe, nëse është e nevojshme, do të jetë e gatshme të mbrojë interesat e saj legjitime, deklaroi zëdhënës i Komisionit Evropian në përgjigje të deklaratave të fundit të Donald Trump, i cili konfirmoi synimin e tij për të vendosur detyrime kundër BE-së pas atyre kundër Meksikës, Kanadasë dhe Kinës.
Zëdhënësi kujtoi qëndrimet e shprehura ditët e fundit nga presidentja Ursula von der Leyen dhe komisioneri i tregtisë së BE-së, Maros Sefcovic, duke nënvizuar ”vendosmërinë e Evropës përballë masave të mundshme proteksioniste”.
Administrata e re amerikane përdor një gjuhë transaksionale dhe ne duhet ta flasim edhe atë gjuhë, deklaroi përfaqësuesja e lartë e BE-së, Kaja Kallas, në fund të Këshillit të Punëve të Jashtme.
”BE-ja është një fuqi ekonomike, ne jemi të fortë dhe nuk duhet të nënvlerësojmë forcën tonë, si kur kemi të bëjmë me kundërshtarë, ashtu edhe kur kemi të bëjmë me partnerë, deklaroi Kallas.
”Vendet e Bashkimit Evropian do të përballen me tarifa nëse nuk korrigjojnë disbalancat tregtare, deklaroi presidenti i ri Donald Trump para disa ditësh.
