Bayern Munich ka marrë dy lajme shumë pozitive vetëm pak orë para sfidës së Champions League ndaj Atlético Madrid.
Michael Olise dhe Manuel Neuer janë rikthyer në stërvitje dhe tashmë kanë shanse të jenë të gatshëm për ndeshjen e së martës në “Metropolitano”.
Sipas MatchDay Central, Olise mori pjesë në seancën e së hënës me gjurin e djathtë të fashuar. Francezi ishte detyruar të largohej nga fusha gjatë barazimit 2-2 ndaj Borussia Dortmund, duke ngritur shqetësime për një dëmtim më serioz.
Edhe Neuer është rikthyer me skuadrën pasi mungoi ndaj Dortmundit për shkak të një problemi në këmbë.
Megjithatë, aktivizimi i tyre ndaj Atlético Madrid nuk është ende i garantuar dhe Bayern do të marrë vendimin përfundimtar pas vlerësimeve të fundit.
Sipas L’Equipe, dëmtimi i Olise nuk konsiderohet serioz, por klubi nuk dëshiron të marrë rreziqe të panevojshme.
Rikthimi i mundshëm i dy lojtarëve do të ishte një ndihmë e madhe për Bayern, që po përballet me një krizë dëmtimesh. Serge Gnabry dhe Ismael Saibari u dëmtuan ndaj Dortmundit, ndërsa Jamal Musiala dhe Luis Díaz vazhdojnë të jenë jashtë.
Bayern përballet me Atlético Madrid më 3 nëntor në një sfidë shumë të rëndësishme për Champions League.
