Bashkëpronari i Chelsea, Behdad Eghbali, ka folur për të ardhmen e trajnerit Liam Rosenior, duke i dhënë fund spekulimeve për një shkarkim të mundshëm.
Pas një serie të gjatë rezultatesh zhgënjyese, që kishin shtuar zërat në media për të ardhmen e teknikut, drejtuesit e klubit londinez kanë vendosur t’i japin publikisht mbështetje trajnerit.
Eghbali theksoi se Chelsea vazhdon t’i qëndrojë besnik projektit afatgjatë dhe se beson te cilësitë e Rosenior.
“Ne besojmë se ai i ka të gjitha cilësitë e nevojshme për të pasur sukses këtu. Liam e nisi në mënyrë fantastike punën e tij. Po, pesë apo gjashtë ndeshjet e fundit kanë qenë jashtëzakonisht të vështira, por dua ta theksoj: ne jemi plotësisht pas Liam”, deklaroi ai.
Në të njëjtën kohë, bashkëpronari i klubit pranoi se futbolli varet nga rezultatet, por u bëri thirrje tifozëve dhe opinionit që të tregojnë durim.
“Sigurisht, rezultatet janë jetike, por ne besojmë se Rosenior mund të arrijë sukses afatgjatë”, përfundoi Eghbali.
