Drejtuesi Politik i PD-së në qarkun Fier, gjatë një takimi në Lushnjë, është shprehur se qytetarët kanë arritur në pikën sa mallkojnë veten që kanë votuar PS, që sipas tij vetëm i ka shfrytëzuar për t’u marrë votën.
“Mesazhi kryesor që marrin nga çdo qytetar është se u ka ardhur në maj të hundës. Janë të zhgënjyer deri në pikën që mallkojnë vetëm që kanë votuar një parti që vetëm i ka shfrytëzuar për vota, pa mbajtur asnjë premtim”, tha ai.
Më tej u zotua se PD do ta bëjë Shqipërinë një vend ku punohet dhe jetohet. Ai tha se “do t’i japim fund të keqes që sundon shqiptarët me metodat me mafioze dhe poshtëruese.”
Bardhi: Ne jemi sot këtu të bashkuar si misionar për ta bërë Shqipërinë një vend ku punohet dhe jetohet më mirë. Jemi të bashkuar kudo, në të gjithë Shqipërinë, për t’i dhënë fund me votë të keqes që sundon shqiptarët me metodat me mafioze dhe poshtëruese.
Mesazhi kryesor që marrin nga çdo qytetar është se u ka ardhur në maj të hundës. Janë të zhgënjyer deri në pikën që mallkojnë vetëm që kanë votuar një parti që vetëm i ka shfrytëzuar për vota, pa mbajtur asnjë premtim.
Ne duhet të shpëtojmë Shqipërinë. Dështimi i Edi Ramës dhe marionetave të tij që kandidojnë këtu në Lushnjë dhe në të gjithë qarkun e Fierit, përkthehet në humbjen e disa gjeneratave, shpërbërjen e një kombi.
Na takon ne PD, ti japim fund fatkeqësisë së largimit të shqiptarëve. votoni kundër është e drejta juaj, por kam një kërkesë për secilin prej jush. PD mos e shihni si të keqen më të vogël. Ekipi ynë ndryshon si nata me ditën me ekipin.
Përballë kemi Belinda Ballukut, simbolin më domethënës të korrupsionit. Njeriun e fryrë nga arroganca e pushtetit 12-vjecar. Kemi njeriun që me paratë e pista mendon se do të blejë dinjitetin e lushnjarëve dhe qytetarëve të qarkut të Fierit.
Kemi njeriun që nuk ka respekt për socialistë e ndershëm, jo më për qytetarët e zakonshëm dhe pa parti. Njeriun që ka pushtuar si bandë qarkun me vartësit e saj, ku shkëlqen këtu në Lushnjë famozja Laureta Omeri, e cila kalon çdo sekond të ditës me krimin e organizuar, gjurmon jetën e secilit prej jush, me shpresën se do ti nënshtrojë me presion dhe para të pista.
Ju siguroj se është vetëm çështje kohe. Ekipi i zullumit dhe korrupsionit do të shkojë prapa hekurave.
