Me vetëm dhjetë ditë të mbetura nga merkatoja, Barcelona vazhdon kërkimin për një sulmues të ri që të mbushë boshllëkun e lënë nga Robert Lewandowski dhe Ferran Torres.
Objektivi kryesor mbetet Julián Álvarez, por Atlético Madrid vazhdon të refuzojë çdo negociatë për argjentinasin. Pavarësisht dëshirës së lojtarit për t’u transferuar në Katalonjë, pozicioni i klubit madrilen nuk ka ndryshuar.
Për këtë arsye, Deco ka aktivizuar alternativat. Lautaro Martínez është një nga emrat kryesorë, por Interi nuk dëshiron ta shesë kapitenin e tij për më pak se 100 milionë euro.
Opsioni më ekonomik është Nicolò Tresoldi i Club Brugge. Sulmuesi 22-vjeçar pëlqehet shumë nga Hansi Flick, i cili vetë ia ka propozuar emrin drejtuesve të klubit.
Barcelona duhet të vendosë shpejt: të presë deri në fund për Julián Álvarez apo të fokusohet te një nga alternativat.
