Barcelona fitoi me shumë vuajtje ndaj Alaves me rezultatin 1-0, duke ngushtuar diferencën nga Real-i i vendit të parë vetëm me 4 pikë. Goli i vetëm i ndeshjes u shënua nga Robert Lewandowski.
Një fakt interesant i ndeshjes Barcelona-Alaves, që çuditi jo pak tifozë, ishin 6 zëvendësimet që bënë katalanasit, kur dihet që rregulli lejon deri në pesë të tilla.
Por, ajo që pak vetë e dijnë është se prej disa sezonesh ka një rregull të veçantë që nëse një trajner duhet të zëvendësojë një lojtar për shkak të një dëmtimi në kokë, atëherë zëvendësimi nuk llogaritet.
Edhe në ndeshjen e djeshme, Gavi u dëmtua në kokë dhe në vend të tij Flick zgjodji Fermin Lopez. Më pas erdhën edhe pesë zëvendësimet e tjera Eric Garcia, Frenkie de Jong, Ferran Torres, Gerard Martin dhe Pau Victor.
Përsa i përket dëmtimit në kokë të Gavi-t, për fat të mirë nuk ka asgje shqetësuese dhe lojtari pritet të jetë që në ndeshjen e radhës në dispozicion të Flick.
