Pasi nuk iu pranua kërkesa për të garuar për postin e kryetarit të Partisë Demokratike, demokratja Alesia Balliu ka “shpërthyer” në kritika publike për Sali Berishën.
Alesia nuk nguron ta quajë kreun e PD-së “Berishë Frikacaku”, teksa shton se burrat e veriut nuk i shmangen garës, por e kërkojnë atë.
Ajo e konsideron zhgënjyese atë që ndodhi ditën e sotme me mospranimin e tre kandidaturave në garën për kreun e partisë.
Alesia paralajmëron Berishën se asnjëherë nuk do të mund ta gëzojë partinë, duke thënë se ka gjithmonë një moshë për t’u korritur, dhe se Berisha zgjodhi ta bëjë tani.
“Berishë gjithmonë ka një moshë të koritesh por ti zgjodhe moshën më të keqe. PD do ju kthehet demokratëve mos e harro kurrë, nuk do e gëzosh atë parti Sali Berisha,” shkruan ajo ndër të tjera.
Reagimi i plotë i kandidates në tentativë, Alesia Balliu:
Berishë Frikacaku!
Berishë burrat në veri nuk i shmangen garës dhe nuk i druhen përballjes përkundrazi, e kërkojnë atë.
Por sot, ajo që po ndodh brenda Partisë Demokratike është zhgënjyese.
Kam dorëzuar një kërkesë zyrtare për të hyrë në garën për kreun e PD-së, dhe askush nuk po e merr përsipër ta pranojë.
Ky nuk është thjesht një refuzim është një tregues i qartë i mungesës së transparencës dhe garës së ndershme.
Berishë gjithmonë ka një moshë të koritesh por ti zgjodhe moshën më të keqe.
PD do ju kthehet demokratëve mos e harro kurrë, nuk do e gëzosh atë parti Sali Berisha.
