Autostrada Durrës-Tiranë vijon të ketë prezencë të lartë uji si pasojë e përmbytjeve të shkaktuara këtë të martë nga reshjet masive të shiut.
Sipas raportimeve, prezenca e madhe e ujit ka bërë që të rëndohet trafiku, ku me dhjetëra mjete kanë mbetur në radhë për orë të tëra.
Shoferët janë detyruar të ulin shpejtësinë dhe të lëvizin me kujdes mes ujit, gjë e cila ka krijuar radhë kilometrike makinash.
Reshjet masive shkaktuar përmbytje të mëdha thuajse në gjithë vendin. Durrësi është qyteti më i prekur ku reshjet e dendura të shiut kanë sjellë përmbytje në disa zona të qytetit. Përmbytje pati edhe në burgun e këtij qyteti, ku disa qeli u mbushën me ujë.
