Atlético Madrid ka mohuar se ka marrë ofertë nga Barcelona për Julián Álvarez. Sipas AS, burime pranë klubit madrilen kanë bërë të qartë se në zyrat e klubit nuk ka mbërritur asnjë propozim për sulmuesin argjentinas.
“Është një tjetër gënjeshtër”, mësohet të kenë thënë nga Atlético, duke hedhur poshtë zërat për një ofertë të mundshme nga katalanasit.
Klubi nga Metropolitano është i vendosur për të ardhmen e Álvarez dhe thekson se, edhe nëse do të vinte një ofertë, ajo nuk do të merrej në konsideratë.
Atlético e konsideron sulmuesin pjesë të rëndësishme të projektit për sezonin e ardhshëm dhe ka përsëritur qëndrimin e tij: Julián Álvarez nuk është në shitje.
