Kryeministri Edi Rama ka vijuar edhe sot me rubrikën live “Sy m’sy” live në rrjetet sociale duke iu përgjigjur komentuesve. Rama i është përgjigjur një komentuesi se fitorja e tij politike lidhet me respektin dhe seriozitetin ndaj qytetarëve. Ai tha se shumë prej kundërshtarëve të tij nuk e pranojnë asnjëherë humbjen, ndonëse e meritojnë.
“Ta dish ti unë fitoj jo se jam ndonjë kushedi se kush, por sepse e marr shumë seriozisht këtë popull dhe problemi fillon ekzaktësisht këtu. Sepse ti i përket asaj pjese të dynjallëkut, që nuk e merr seriozisht se të duket vetja kushedi se cfarë. Pse humb kohën këtu, problemi është me ata që të përfaqësojnë ty.
Ata nuk e pranojnë kurrë se humbin pasi e meritojnë të humbin ndërkohë që ja vënë fajin të tjerëve. Unë nuk hyj tek ata që shajnë me libër shtëpie, por do e bëj dhe unë pjeën time. Ky popull ty e kujtdo si ti por dhe mua na jep ujë në bisht të lugës nëse ne na gënjen mendja dhe nuk e marrim seriozisht”, tha Rama.
