Arsenali është gati të bëjë një lëvizje të madhe në afatin kalimtar të verës.
Sipas CaughtOffside, klubi londinez e ka vendosur sulmuesin e Atletico Madridit, Julian Alvarez, si objektivin kryesor për repartin ofensiv.
Për t’i hapur vend në skuadër argjentinasit dhe për të lehtësuar faturën e pagave, drejtuesit e klubit janë të gatshëm të marrin masa të forta, duke nxjerrë në shitje dy sulmuesit Gabriel Jesus dhe Kai Havertz.
Arsenali synon të veprojë shpejt për të qenë një hap para rivalëve, ndërsa raportohet se në garë për Alvarez është edhe PSG.
Vlen të theksohet se sulmuesi argjentinas ka zhvilluar 46 ndeshje këtë sezon me Atletico Madridin në të gjitha kompeticionet, duke shënuar 18 gola dhe duke dhënë 9 asistime.
