Turqia është eliminuar para kohe nga Botërori 2026, pas humbjes 1-0 ndaj Paraguait. Disfata e dytë radhazi, pas asaj ndaj Australisë, i ka dhënë fund shpresave të skuadrës së Vincenzo Montellas për të vazhduar më tej në turne.
Pas vërshëllimës së fundit, pamjet nga stadiumi në San Francisco ishin të rënda për tifozët turq. Disa lojtarë shpërthyen në lot në fushë, ndërsa Arda Güler u përpoq të mbante emocionet, por fytyra e tij tregonte qartë dëshpërimin.
Turqia kishte hyrë në Botëror me pritshmëri të mëdha dhe shihej si një nga skuadrat më të forta të grupit, por dy humbjet radhazi sollën një eliminim të papritur dhe shumë kritika nga mediat, ish-trajnerët dhe ish-lojtarët e kombëtares.
Momenti më i komentuar në rrjetet sociale erdhi nga pamjet e televizionit publik turk, që fokusuan Arda Güler menjëherë pas përfundimit të ndeshjes.
Kamerat kapën fjalët e para të mesfushorit të Real Madrid, i cili ngriti sytë nga qielli dhe tha:
“O Zot. Pse?”
Një moment i dhimbshëm për talentin turk dhe për një kombëtare që largohet nga Botërori shumë më herët nga sa pritej.
