SHBA- Donald Trump u betua sot më 20 Janar si Presidenti i 47-të amerikan dhe lista e të ftuarve ka qenë e gjatë.
Mes të pranishmëve në ceremoni ishte edhe ambasadori shqiptar në SHBA, Ervin Bushati.
Në një postim në faqen e tij në rrjetin social Facebook, Bushati shkruan rreth pjesëmarrjes në ceremoni si një moment historik, teksa thekson se pret me padurim që të vijojë puna dhe miqësia mes dy vendeve.
“I nderuar të jem pjesë e këtij momenti historik të inaugurimit të Presidentit të SHBA-së, Donald Trump. Shqipëria dhe SHBA mbeten të bashkuara në vlerat e lirisë dhe demokracisë. Presim me padurim të vijojmë punën për të forcuar miqësinë & partneritetin mes dy vendeve tona”, shkruan diplomati shqiptar në Uashington.
