Rreth 1,200 persona janë evakuuar nga një kamping pranë bregdetit në Pas-de-Calais, në veri të Francës, për shkak të dy zjarreve që kanë përfshirë zonën.
Autoritetet thanë se një prej vatrave është vënë nën kontroll, ndërsa zjarri tjetër vijon të përhapet drejt jugut, i favorizuar nga kushtet e pafavorshme dhe vështirësitë për të ndërhyrë.
Personat e evakuuar janë zhvendosur në një qendër strehimi, ndërsa zjarrfikësit po vijojnë përpjekjet për të frenuar flakët.
Zjarret në Pas-de-Calais janë pjesë e një sezoni veçanërisht aktiv të zjarreve në Francë dhe në Evropë, i favorizuar nga temperaturat e larta dhe valët e njëpasnjëshme të të nxehtit.
