Arbitrimi shqiptar do të jetë i pranishëm këtë të enjte në dy sfida të kompeticioneve europiane, me gjyqtarët kuqezi që janë caktuar në UEFA Europa League dhe UEFA Conference League.
Në Europa League, Enea Jorgji do të jetë arbitri kryesor i ndeshjes Torreense-Sunderland, e cila do të zhvillohet në “Estádio Municipal de Leiria” në orën 18:45.
Jorgji do të ndihmohet nga Denis Rexha dhe Ridiger Çokaj, ndërsa Juxhin Xhaja do të mbajë rolin e arbitrit të katërt. Albert Doda është caktuar si AVAR.
Në të njëjtën orë, në UEFA Conference League, Florian Lata do të drejtojë përballjen Riga FC-FC Kairat Almaty në “Skonto Stadions”.
Asistentë të Latës do të jenë Erind Burgu dhe Ilir Tartaraj, ndërsa Andi Koçi do të jetë arbitri i katërt. Kreshnik Bajramaj është caktuar në VAR dhe Olsion Yzeiraj në rolin e AVAR.
Prania e dy trupave të arbitrimit shqiptar në të njëjtën mbrëmje europiane përbën një tjetër vlerësim për gjyqtarët shqiptarë dhe konfirmon besimin që po marrin në kompeticionet e UEFA-s.
