Në Ferizaj,një i dyshuar me shkronjat E.S. është akuzuar për tentativë vrasjeje, pas një incidenti të rëndë që ndodhi më 24 tetor 2023, rreth orës 19:55, te Stacioni i Autobusëve.
Sipas akuzës, ngjarja rrjedh nga një mosmarrëveshje e mëparshme mes të dyshuarit dhe viktimës, e cila është një person i mitur.
Fillimisht, E.S. e ofendoi viktimën me fjalë banale, përpara se ta sulmonte fizikisht duke e goditur dy herë me thikë në pjesën e gjoksit dhe krahut.
Viktima u shtrua menjëherë në spital dhe mori ndihmë mjekësore urgjente në Klinikën e Kirurgjisë Torakale të Qendrës Klinike Universitare të Kosovës.
Prokurori i çështjes ka kërkuar që, pas shqyrtimit gjyqësor dhe administrimit të provave, të shpallet fajtor E.S. për veprën penale të tentativës së vrasjes dhe t’i jepet dënimi sipas ligjeve përkatëse.
