Një aksident i rëndë është regjistruar në aksin e autostradës Mamurras-Laç, pranë Gjormit, ku një person ka humbur jetën dhe katër të tjerë kanë mbetur të plagosur.
Sipas informacioneve paraprake, dy autovetura janë përplasur me njëra-tjetrën dhe më pas kanë dalë jashtë rrugës.
Si pasojë e përplasjes, një person ka ndërruar jetë në vendngjarje, ndërsa katër të tjerë, që udhëtonin në të dy automjetet, kanë marrë plagë të rënda.
Në vendin e ngjarjes kanë mbërritur forca të shumta policie dhe ekipet e emergjencës, ndërsa po punohet për zbardhjen e plotë të shkaqeve të aksidentit.
