Një ngjarje e rëndë është shënuar në Spanjë, ku një shqiptari i është bërë atentat në rrugë. I riu ka qenë duke ecur në zonën e Castelldefels të Barcelonës, ku e kanë qëlluar me armë.
Kanë qenë disa kalimtarë që kanë parë shqiptarin e gjakosur dhe kanë njoftuar policinë. I riu është dërguar menjëherë në spital, ku ka marrë ndihmën e parë.
Mediat e huaja bëjnë me dije se shqiptari, identiteti i të cilit nuk dihet ende, ka marrë një plumb në këmbë dhe ndodhet jashtë rrezikut për jetën.
I pyetur nga autoritet për ngjarjen, shqiptari ka refuzuar që të japë emra, apo arsyen e konfliktit që ka çuar në plagosjen e tij me armë zjarri. Policia vijon hetimet për zbardhjen e ngjarjes si dhe identifikimin e autorëve.
