Prej 11 ditësh, naftëtarët e “Bankers Petroleum” janë angazhuar në grevë për të kërkuar rritjen e pagave dhe përmirësimin e kushteve të punës. Ata shpresojnë se kërkesat e tyre do të dëgjohen, dhe theksojnë se roli kryesor në negociata duhet të jetë shteti shqiptar. Një nga grevistët u shpreh: “Presim që shteti jonë të ndërhyjë, pasi bëhet fjalë për shumë punonjës të tjerë, por kushtet janë shumë të këqija.”
Një pjesë e grevistëve u detyruan të ndërpresin protestën dhe të kthehen në punë për shkak të kushteve të vështira ekonomike, edhe pse ky hap nuk ishte dëshira e tyre. “Na thonë ‘na fal’, por nuk ia dal dot më,” tha një tjetër punonjës i prekur. Shtatë nga dhjetë grevistët po përballen me probleme shëndetësore, duke kërkuar ndihmë mjekësore nga shërbimi i urgjencës. Një grevist tha se ndihen keq, por po mbijetojnë me ndihmën e medikamenteve që i sigurojnë nga jasht dhe mjekë të njohur.
Për situatën e krijuar, grevistët kanë dërguar letra zyrtare jo vetëm institucioneve shqiptare, por edhe organizatave ndërkombëtare, duke përfshirë Komisionerin për Diskriminimin dhe Komisionerin e Anëtarësimit Europian. Ata theksuan se çështjet sindikale lidhen ngushtë me procesin e integrimit në Bashkimin Europian, dhe nëse këto probleme nuk zgjidhen, do të ketë pasoja për perspektivën e Shqipërisë në BE. Një prej grevistëve të deklaroi: “Kemi qenë në këtë grevë dhe nuk do të hedhim hapa pas. Nafta duhet të jetë një bekim, jo një mallkim.”
Tashmë, grevistët e “Bankers Petroleum” kërkojnë mbështetje dhe ndërhyrje të menjëhershme nga shteti për të zgjidhur këtë situatë, duke theksuar se mjedisi i punës dhe të drejtat e tyre nuk janë negociueshëm. Kjo protestë vjen në një kontekst ku punonjësit e sektorit të naftës përballen me sfida të mëdha dhe presion ekonomik.
