Prindërit e fëmijëve dhe qytetarët e thjeshtë kanë njoftuar një protestë të mërkurën e nesërme më 27 nëntor, lidhur me rastin e rëndë të ndodhur në shkollën ‘Fan Noli’ ku pas një sherri me thika humbi jetën 14 vjeçari Martin Cani.
“Bojkotojmë & marshojmë për Martinin, për jetën, për sigurinë dhe arsimin e fëmijëve,” është thirrja e protestës së nesërme, e cila do të nisë në orën 11:00 nga ambientet e shkollës ku ndodhi ngjarja.
Nën moton ‘Stop Dhunës’, prindërit do të kërkojnë edhe nesër rritjen e sigurisë për të vegjëlit dhe dorëheqjen e ministres së Arsimit Ogerta Manastirliu.
