Autoritetet italiane kanë sekuestruar një vilë dhe më shumë se 100,000 euro në cash të 47-vjeçarit italian Massimiliano Fiore, i arrestuar më 21 maj gjatë operacionit të koduar “Ura” për trafik ndërkombëtar droge.
Hetimet zbuluan se Fiore ishte ndërmjetësi midis klanit palermitan nga lagjja Japigia dhe grupeve shqiptare që importonin dhe shpërndanin kokainë dhe heroinë nga Shqipëria për në Itali, kryesisht në provincën Puglia. Ai gjithashtu siguronte “mbrojtjen” e palermitanëve për aktivitetet e tyre kriminale në zonë.
Operacioni “Ura” çoi në masa paraprake kundër 52 personave në Itali, Belgjikë dhe Shqipëri, të akuzuar për trafik ndërkombëtar droge, pastrim parash dhe shpërdorim detyre.
Sekuestrimi i pasurive të Fiore-s është pjesë e një hetimi të gjerë të Drejtorisë Antimafia të Barit dhe autoriteteve shqiptare për luftimin e trafikut të drogës ndërkombëtar.
Majin e kaluar, në kuadër të të njëjtit operacion, u sekuestruan asete me vlerë disa milionë euro në Itali dhe Shqipëri.
