Në protestën që uiu mbajt mbrëmjen e sotme përpara Ministrisë së Arsimit për të kërkuar drejtësi për 14-vjeçarin Martin Cani, ishte edhe gjyshi I tij.
Ai mori fjalën duke kërkuar drejtësi dhe bëri thirrje që ngjarja të mos shfrytëzohet për përfitimin e askujt.
“Duam vetëm drejtësi, askush të mos përfitojë nga rasti që ta shfrytëzojë. Nëse nuk do zgjidhet ky problem që Martini të shkojë atje ku duhet, unë do ta ndjek vetë këtë problem. Sikur ra Martini për hir të demokracisë, do bie edhe unë se nuk më duhet jeta. Të vihet drejtësia në vend, nuk dua të ketë keq askush”, tha gjyshi i të miturit.
I mituri Martin Cani u vra me thikë pranë shkollë Fan Noli, 1 javë më parë nga 14-vjeçari M.L, pas një konflikti verbal që të miturit, të dy nxënës të shkollës në fjalë kishin pasur më herët.
