Një tërmet me magnitudë 5.4 i shkallës Rihter ka tronditur sot paradite Turqinë Perëndimore. Lëkundjet u regjistruan në orën 09:59 UTC (12:59 me orën lokale), në një thellësi prej vetëm 10 kilometrash, duke e bërë goditjen të ndjehej më fort.
Epiqendra e tërmetit ndodhej 27 kilometra në veri-veriperëndim të Simav-it, qytet me rreth 35 mijë banorë, dhe rreth 84 kilometra larg qytetit të Uşak-ut, ku jetojnë mbi 150 mijë persona.
Banorët raportuan lëkundje të forta që kanë zgjatur disa sekonda, ndërsa autoritetet turke ende nuk kanë dhënë informacion për dëme materiale apo të lënduar.
Zona e Anadollit Perëndimor njihet për aktivitet të lartë sizmik, duke qenë një nga rajonet më të rrezikuara nga tërmetet në Turqi.
