Personi që shihni në foto është 44-vjeçari italian Edoardo Sarchi, i cili u gjet i vrarë me armë zjarri në fshatin Salari të Tepelenës.
Bëhet me dije se krimi ndodhi në rrethana të paqarta në vendin e quajtur Dilan, mes fshatrave Nivicë dhe Salari, ndërsa trupi i tij i pajetë u gjet pak pas mesnatës së të premtës.
Biznesmeni italian, Edoardo Sarchi, është administratori i një fabrike të madhe tullash në Tiranë që prej thuajse 20 vitesh jetonte në Shqipëri kishte dalë për gjah me katër persona.
Mes tyre ishte ortaku i tij i biznesit, Eqrem Braçi dhe dy djemtë e tij, Gazmenti dhe Danieli, të cilët janë shoqëruar në polici, ndërsa identiteti i personit të katërt nuk eshte bere ende i ditur nga policia.
Burime nga grupi hetimor thane se babai dhe dy djemte kanë dhënë dëshmi kontradiktore për ngjarjen. Një herë kanë folur për persona që u dolën para dhe u bënë pritë duke i qëlluar me armë. Me pas ata kanë thënë se e gjetën italianin në rrugë të vdekur, e në një version tjetër, se e panë të plagosur dhe u vdiq në duar.
Biznesmeni dhe personat qe e shoqeroni kishin udhëtuar me dy makina, një “Land Rover” dhe një “Volkswagen”, që u gjetën nga policia në vendin e ngjarjes.
Policia vijon hetimet për të zbardhur dinamikën e plote te ngjarjes si dhe per te identifikuar dhe kapur autorin e krimit.
